Ова овошје ќе ви помогне да го изгубите вишокот на килограми, но, исто така, ќе има позитивно дејство и доколку се мачите со псоријаза. Папајата содржи малку калории што го прави идеално овошје за ослободување од прекумерната тежина. Имено, плодот на папаја е богат со витамини А, Ц и К, нијацин, магнезиум, калиум, каротен и природни влакна и е одличен сојузник во борбата со несаканите килограми.
Дигестивниот ензим папаин, кој обилно е содржан во ова овошје, го стимулира варењето на храната, во што помага и водата која ја содржи, како и растопливите влакна
Ензимот папаин може да ги намали воспалителните процеси кај многу болести, вклучувајќи го и ревматоидниот артритис, остеоартритис, гихт или астма. Покрај тоа, големата количини на фолна киселина, бета-каротен и витамин Ц и Е во папајата може да го намали ризикот од рак на дебелото црево.
Ова овошје, исто така, помага и доколку имате гасови. Има благо лаксативно дејство, а е делотворно и кај жени, кои имаат нередовен менструален циклус. Сокот од незрела папаја, исто така, помага при кожни болести, како псоријаза и акни.
