За наутро на телото да му обезбедиме доволно енергија, важно е да изедеме соодветен појадок. Доколку сакате да ослабете, особено посветете внимание на тоа за појадок да консумирате намирници богати со влакна. Истражувањата покажале дека исхраната богата со влакна им помага на луѓето да го загубат вишокот килограми и ги ублажува симптомите на метаболен синдром.
Појадокот богат со протеини, исто така, поттикнува слабеење – протеините го продолжуваат чувството на ситост и го намалуваат ризикот од прејадување во текот на денот. Истражувањата покажале и дека поголемиот внес на протеини доведува и до поголеми дневни калориски потрошувачки.
Одбегнувајте намирници богати со шеќери кои не донесуваат многу хранливи состојки. Намалете го внесот на засладени напитоци, а место купечки овошни сокови пијте цедени. Обидете се да јадете што е можно помалку пекарски производи – предност дајте им на кашите од интегрални житарки или домашниот интегрален леб.
