Градната жлезда или тимусот е важен орган во развојот на имуниот систем и го регулира неговото функционирање и ги создава првите клетки на лимфатичниот систем кои созревајќи стануваат зрели Т-лимфоцитни клетки.
Градната жлезда е најголема во периодот на доенче ( од раѓањето до 2-3.година) и е со тежина од околу 30-40 грана, по што престанува со раст и почнува да се намалува во адолесценцијата, под влијание на половите хормони. Кај возрасните, градната жлезда речиси целосно исчезнува и се заменува со масно ткиво кое тежи околу пет грама. Во случај на болести и потреба да отстранување на градната жлезда, во возрасниот период, човекот може да живее без неа.
УЛОГАТА НА ТИМУСОТ
Дури во втората половина на 20. век утврдена е функцијата на градната жлезда: производство на првите имунолошко компетентни клетки во раната возраст, т.н. лимфоцитопоеза. Во текот на првите години од животот, градната жлезда е центар на создавање и созревање на Т-лимфоцитите , вид на бели крвни клетки кои имаат заштитна улога во одбраната од инфекции.
Порозиводството на Т-лимфоцити поттикнато е од хормонот тимозин. Еднаш кога Т-лимфоцитите ќе созреат, се селат во лимфните јазли на целиот организам, каде се во состојба на готовност во случај на инфекција.
Пореметувања на градната жлезда
Понекогаш тимусот станува преактивен поради прекумерно размножување на клетки – хиперплазија на тимусот. Обично таквата состојба се поврзува со болестите како мијастенија гравис, но и со хипертиреодизам (засилена работа на штитната жлезда) или со тумор на градната жлезда.
Симптоми на хиперактивност на тимусот се:
- Бледа кожа
- Зголемени лимфни јазли
- Тонзилитис
- Ринитис
