Иако операцијата на крајниците (тонзилектомија) и вадењето на третиот крајник (аденоидектомија) се сметаат за рутински операции без последици, резултатите на долгогодишната студија, објавени во списанието „JAMA Otolaryngology-Head & Neck Surgery“, покажале дека и тоа како постојат последици.
Тим на научници од Универзитетот во Мелбурн проучувал медицински податоци на дури 1,2 милиони Данци, чие здравје било следено од раѓањето, па се до триесеттите години.
За време на истражувањето било откриено дека децата чии крајници биле извадени до деветтата година, во подоцните години три пати почесто страдале од алергии или астма, грип или пневмонија. Децата на кои им бил отстранет третиот крајник два пати почесто страдале од овие болести, како и од конјунктивитис и опструктивна белодробна болест.
Научниците препорачуваат да се одбегнува вадење на крајниците секогаш кога постои можност од други видови на лекување, а ако е споменатата операција неизбежна, тогаш лекарите би требало да ја одложуваат колку што е можно подолго, со цел подобро да се развие имунитетот на детето, било наведено во заклучоците на студијата
„Сите три крајника се дел од лимфниот систем и играат важна улога во нормалниот развој на имунолошкиот систем и идентификување на патогени за време на детството, па не е изненадување што нивното отстранување го оневозможува откривањето на патогени и го зголемува ризикот од респираторни инфекции и заразни болести“, истакнале истражувачите.
