Одделни делови од телото со годините потполно го менуваат обликот. Косата со текот на годините обелува и добиваме брчки, што е сосема нормално, но тоа не е се. Еве кои делови од телото растат, а кои се намалуваат како што ни се зголемува бројот на свеќички на тортата.
Носот станува поголем
Во текот на животот кај повеќето луѓе носот се зголемува, а причината е следна: ткивото, мускулите и ’рскавицата се преобликуваат. Меѓу 50 и 60 година од животот доаѓа до најголеми промени кај носот – како онаа дека врвот од носот малку се завиткува кон долу.
Колковите се стеснуваат
Жените, а особено оние кои имаат женствена средина од телото заклучиле дека со годините струкот им се шири, а колковите се стеснуваат. Можеби тоа само така и визуелно изгледа?!
Трепките стануваат пократки
Додека на 20 или 30 години имаме трепки на чија должина многумина ни завидуваат, со годините влакненцата почнуваат да стануваат се пократки и пократки. Причина се честите алергии, недоволната нега или пореметената функција на штитната жлезда. Како и да е, трепките во староста стануваат потенки и пократки.
Стапалата се зголемуваат
Всушност стапалата не стануваа подолги, туку посплеснати. Лигаментите и тетивите во стапалата со годините стануваат понестабилни, па стапалото се издолжува и шири. Значи, може да се случи одеднаш да носиме дури два броја поголеми чевли.
Се менува отпечатокот на прстите
Отпечатокот на прстите би требало да не следи во текот на целиот живот. Но група научници од Калифорнија го докажала спротивното – дека отпечатокот се менува со годините.
