Камилицата е една од најлековитите билки која е добро секогаш да се има во домот. Благодарение на нејзините антиинфламаторни, антиоксидативни и антибактериски својства, камилицата се употребува со векови во народната медицина. Може да се користи во вид на чај, тинктура или, пак, во форма на капсули, а, исто така, може да се користи и нејзиното етерично масло за освежување на воздухот во просториите.
Чајот од камилица помага кај болки во стомакот, лошо варење и синдром на иритабилен колон. Со оглед на тоа дека глицинот од камилицата ги ублажува грчевите во мускулите и ги опушта нервите, оваа билка освен кај болки и грчеви во цревата помага и кај болки во грбот и болни менструации.
Камилицата содржи и апиденин, флавоноид кој ја намалува вознемиреноста и мускулната тензија, па ни помага да се опуштиме и, исто така, го подобрува квалитетот на сонот.
Чајот од камилица поседува антибактериски и антивирусни својства и го зајакнува имуниот систем, така што ова е идеален чај за есенските и зимските денови. Силен чај од камилица може да се користи и за третирање на иритирани очи. Натопете парче вата до изладен чај и ставете го на очите. Постапката повторете ја неколку пати во текот на денот.
