Во денешно време кикиритките се една од најбараните грицки со филм или книга, било да се солени или во комбинација со чоколадо или суво овошје. Но, кикиритките се многу повеќе од грицки, поради своите нутритивни и лековити својства.
Кикиритките содржат бројни витамини и минерали, вклучувајќи витамин Е, Б комплекс витамини (1,2,3,6), калциум, магнезиум, железо, цинк, манган, Q10 и ресвератролот кој го продлжува и подмладува животот. Поради наведените состојки, кикиритките го подобруваат помнењето и слухот, влијаат на потенцијата и даваат сјај на косата и го смируваат нервниот систем.
Научниците, исто така, сметаат дека со консумација на кикиритки или путер од кикиритки, може да се намали ризикот од кардиоваскуларни болести и дијабетес. Меѓу другото тоа е благодарение на нивните антиосидантни својства, како и големиот процент на фитонутриенти и диетални влакна. Интересен е фактот дека иако се мисли дека кикиритките дебелеат, лицата кои редовно ги консумираат сепак не добиваат на телесна тежина. Јадејќи кикиритки се чувствувате сити, а во телото се внесуваат многу хранливи состојки, белковини и витамини.
Пржените или печените кикиритки, како и путерот од кикиритки, исто така, се хранливи и здрави, бидејќи со печењето не се губат нивните нутритивни својства. Она што е нездраво е вишокот сол или нездравото маслото за печење.
Единствена лоша страна на кикиритките е што предизвикува алергиски реакции кај поединци.
