![prejaduvanje](https://panacea.mk/wp-content/uploads/2019/04/prejaduvanje.jpg)
Сакале да признаеме или не, прејадувањето е честа појава, особено во време на слави, празници… кога и пред да се опоравите од тешкиот оброк, се наоѓате пред ново искушение. Без оглед на тоа што сте јаделе, последиците се вознемирени црева, надуеност, дијареја, запек… Еве како може да си помогнете.
Цеден сок
После големи количества храна проблемот со варењето е последица на недостаток на киселина во желудникот. Во тој случај природната киселина во портокалите може да биде корисна. За таа цел најдобар е сок од цеден портокал.
Ким
Иако неколку часа после прејадувањето не размислувате за храна, а уште помалку за зачинета, имајте на ум дека зачините можат да го смират стомакот. Кимот, на пример, го стимулира црниот дроб повеќе да лачи жолч, па така телото полесно ќе го свари вишокот храна.
Јаболков оцет
Јаболковиот оцет го стимулира варењето, но, се разбира, не би требало да го консумирате сам. Измешајте лажица оцет со лажица мед и чаша вода за да го смирите стомакот. Исто така, можете и во врела вода да ставите само оцет, без мед, и на тој начин можете да си помогнете ако имате проблем со констипација.
Ориз
Белиот ориз е лесен и содржи малку влакна, така што стомакот не мора премногу да се мачи за да го свари. Ден после прејадување предвид доаѓаат и тост и варен компир, кои ќе ги смират чувствителните црева.