Лековитоста на киселата зелка ја надминува лековитоста на многу познати билки затоа што во 100 г има дури 20 мг витамин Ц. Освен тоа полна е и со витамин А, фолна киселина, магнезиум, фосфор, калциум, калиум, натриум и протеини. Одличен извор е и на витамин Б12, па им се препорачува на вегетаријанците и веганите.
Различна е од свежата затоа што во себе содржи пробиотични бактерии, односно се смета за ферментирана храна природно богата со пробиотични култури. Поради тоа киселата зелка е многу важна во третманот на болести предизвикани од нерамнотежа на цревната флора, особено по утреба на антибиотици или хемотерапија. Го забрзува заздравувањето на раните, а делува и кај ревма и воспаление на вените.
Можете да се користи и за ублажување на чешањето по кожата поради разни алергиски воспаленија, помали изгореници или убоди од инсекти, особено пчели или оси. На местото ставете облога од лист кисела зелка и одозгора завиткајте со завој или газа. Одлична е и за главоболка! На челото ставете лист од кисела зелка и завиткајте со газа.
Она што треба уште да се знае за киселата зелка е дека луѓето кои консумираат многу кисела зелка се посилни и поотпорни на болести. Заради сите овие придобивки киселата зелка особено им се препорачува на старите лица, лицата со ослабен имунитет и на децата.
