Со нови истражувања откриено е дека дури и умерената консумација на кафе, во текот на бременоста го зголемува ризикот од прекумерна телесна маса или дебелина кај децата во училишниот период од животот.
Научниците истражувањето го спровеле на 50 943 трудници и откриле дека децата на мајките кои за време на бременоста консумирале кафе имаат зголемен ризик од дебелина во предучилишната и училишната возраст. Научниците децата ги следеле до осмата година од животот.
Откриено е дека дебелината и прекумерната телесна маса е 5 % почеста кај децата чии мајки во текот на истражувањето консумирале најголема количина кофеин (над 300 мг дневно), за разлика од децата чии мајки консумирале помалку кафе.
Слични резултати дали и претходните истражувања, но вклучувале многу помал број на испитаници и недоволен број на извори на кофеин. Во ова истражување, научниците се фокусирале на кафето, чајот, чоколадото и енергетските пијалаци. Не е јасно дали кофеинот е директен причинител за дебелината, но истражувачите предупредуваат на внимание и рестрикција на најмногу три шолји кафе денвно (150 мл по шолја) или шест шолји црн чај (200 мл по шолја), додека не спроведат дополнителни истражувања со кои ќе ја утврдат опасноста од консумација на кафе во текот на бременоста.
