Единствено со брис од грлото може точно да се утврди дали причина за болката во грлото е стрептокока, но некои знаци ќе ви покажат дека не сте само настинати, туку треба да отидете на лекар, на преглед за да ви биде препишана соодветна терапија.
НЕОБИЧНИ ДАМКИ ВО УСНАТА ШУПЛИНА
Бели дамки на подрачјето на јазикот, крајниците или на дното на ждрелото, речиси се сигурен показател дека болката во грлото е причинета од бактерија. Тогаш крајниците често се отечени, а голтањето е многу болно.
КАШЛАЊЕ И СЛЕВАЊЕ ОД СИНУСИТЕ
Често кашлање и спуштање на слуз од синусите по задната страна на грлото со блага болка во грлото, се симптоми кои почесто се предизвикани од обична настинка отколку од стрепткока, а се решаваат со инхалирање, земање капки, пиење чај, како и пастили за грло.
ТЕМПЕРАТУРАТА ЈА ОДРЕДУВА СОСТОЈБАТА
Иако настинкта предизвикува зголемена температура, таа обично не е над 38 степени. Ако имате температура повисока од таа, имате грозница и често се препотувате, тогаш тоа е показател дека станува збор за бактериска или друга инфекција. Сепак, треба да бидете внимателни, оти бактерии може да бидат присутни дури и ако нема температура, но тогаш други симптоми како кашлање, затант нос или болка во грлото ќе бидат подолготрајни.
ЛИМФНИ ЈАЗЛИ
Болката во грлото предизвикана од стрептокока, може да предизвика лимфните јазли на вратот да отечат, оти тие произведуваат поголема количина на леукоцити кои помогаат во одбраната од болести. При обична настинка, лимфните јазли не реагираат, и се речиси сигурен показател за бактериска инфекција.
