Кога се зборува за душевните болести, постојат бројни стереотипи. Но, во реалноста, пореметувањата на расположението тешко се утврдуваат, особено кај лицата со биполарно пореметување, кое се карактеризира со промена на депресивни и манични фази.
Ова се знаци кои упатуваат на тоа дека проблематичното расположение не е само последица на чуден или тежок карактер.
Предобро расположение
Биполарното пореметување се карактеризира со епизоди на манија и депресија, Во текот на маничната фаза, некои пациенти може да имаат целосно оддалечување од реалноста. Но, хипоманијата, која исто така е симптом на пореметувањето, е енергична состојба во која лицето се чувствува бунтовно и наоштрено, но не го изгубило допирот со реланоста. Расположението на тие лица е исклучително добро, полни се со енергија и креативност, а може да доживеат и еуфорија. Ова е добрата страна на болеста, во која заболените уживаат додека трае.
Депресија
Лицето кое е во биполарна депресивна состојба изгледа исто како некој кој има “обична“ депресија. Ќе има проблеми со енергијата, апетитот, спиењето и фокусот. За жал, типичните антидепресиви не помагаат кај лицата со биполарно пореметување. Дотолку повеќе може да ги доведат до чести промени на епизодите на манија и депресија и така да ја влошат состојбата.
Раздразливост
Некои лица со ваква состојба патат од мешана манија, каде истовремено доживуваат симптоми на манија и на депресија. Во текот на оваа состојба, чести се исклучително раздразливи. Секој има лоши денови, што е една од причините овој вид на биполарност тешко да се препознае. Но, кај лица со вакво пореметување, состојбата е поизразена и влијае на блиските односи.
Забрзан говор
Некои луѓе, природно се разговорливи, но говорот под притисок е еден од најчестите симптоми на биполарно пореметување, Лицето брзо ќе зборува и ако се обидете нешто да кажете, веројатно само ќе премине преку тоа и ќе продолжи да го зборува своето. Исто така ќе скока од тема на тема. Црвен аларм треба да се запали, ако лицето вообичаено не е такво, туку ова се случува само во текот на маничната фаза.
Проблеми со спиењето
Во текот на депресивната фаза, тие може да спијат по цели денови, но и натаму се уморни, додека во текот на маничната фаза, најчесто не спијат доволно, но замор нема. Дури и со само неколку часа спиење, многумина се чувствуваат одлично и имаат полна енергија.
