Доматот е еден од најчестите алергени во исхраната. Од таа причина поединци кои се склони на развој на алергиски реакции на храна би требало да бидат внимателни кога доматот го вклучуваат во секојдневната исхрана. Тој е производ на висока концентрација на органски киселини. Тоа значи дека пречестото консумирање јадења приготвени на база на домати можат сериозно да наштетат. Личностите кои имаат некои од наведените симптоми не би требало да консумираат домати во големи количества, а некои не би смееле воопшто.
Синдром на нервозни црева
Ако патите од синдром на нервозни црева, доматите може да се прекинувач за симптоми како дијареја, болни грчеви, надуеност, гасови и запек. Во овој случај најдобро е да се држите подалеку од кисели намирници како што е доматот.
Гастритис
Доматот спаѓа во мошне кисели намирници, па може да предизвика проблеми како што е гастритисот. Дури и да сте здрави и да не патите од желудочни проблеми, ако јадете многу домати или сосови на база на домати, исто така, можете да го искусите ова прилично непријатно чувство.
Проблеми со бубрезите
Доматот е богат со оксалат, супстанца која тешко се метаболизира кога се зема премногу, што за резултат може да има создавање камен во бубрезите.
Алергиски реакции
Содржи хистамин, кој му помага на имунитетот во борбата против вирусите и бактериите. Неверојатно е колку е честа алергиската реакција предизвикана од хистаминот во доматите. Најчесто се јавува во облик на осип или отекување на јазикот.
Болка во зглобовите
Премногу домати во исхраната може да предизвикаат болка во зглобовите. Причината е алкалоидот по име соланин, кој гради калциум во ткивата, а во доматот го има во големи количества. Премногу калциум во ткивата може да доведе до воспалителни процеси, болка и отоци во пределот на зглобовите.
Ликопенодермија
Ликопенот е пигмент кој се наоѓа во доматот, а кога се консумира во вистинско количество е одличен за срцето. Но ако се претерува, може да дојде до пигментација на кожата, односно состојба позната под името ликопенодермија.
Личностите кои имаат висок притисок или некои други срцеви проблеми не би требало да консумираат домати од конзерва затоа што имаат зголемена доза на киселина и соли. Тоа само би ја влошило веќе постоечката состојба.
