Зошто треба да се пие сок од домати!?

Консумирањето сок од домати би можело да помогне во намалувањето на крвниот притисок и воедно да го намали ризикот од развивање срцеви болести.  

Според група јапонски истражувачи, кои една година работеле на истражување во кое нивното внимание било насочено кон придобивките од овој сок, луѓето кои консумираат чаша сок од домати еднаш дневно имаат понизок притисок. Истата група луѓе го стабилизирала и нивото на холестерол, што е одлична вест за оние кои патат од срцеви болести.

Истражувањето, пак, кое го спровела американската ЦДС организација открило дека на годишно ниво од срцеви болести само во Америка умираат 610 000 луѓе. Секоја година околу 730 000 Американци доживуваат срцев удар, од кои 525 000 првиот срцев удар, а 210 000 е бројот на луѓето кои имаат удар по втор пат во животот. Во истражувањето со сок од домати учествувала 481 личност од кои 184 биле мажи и 297 жени. Дозволено им било во текот на една година да пијат колку и да сакаат сок од домати дневно, но и секој ден да бележат колку чаши испиле.

Важно е да се нагласи дека доматот има и други предности за здравјето. Доматите се богати со антиоксиданти, помагаат при кардиоваскуларни болести и ги зголемуваат шансите за бременост.