Првите симптоми на вирусна или на бактериска инфекција најчесто е воспалено грло, а во зависност од тоа што ја предизвикува оваа непријатна појава, таа може да трае кратко или да не мачи неколку дена и да се претвори во здравствен проблем поради кој ќе мора да побараме лекарска помош. Воспалението на грло може да биде предизвикано од вирусна или од бактериска инфекција.
Независно од тоа за каков тип на воспаление на грлото станува збор, клучно е да се спречи дехидрација со цел тоа постојано да биде влажно.
ВОСПАЛЕНИЕ НА ГРЛО ПРЕДИЗВИКАНО ОД ВИРУСНА ИНФЕКЦИЈА
- Се појавува постепено
- На почетокот се карактеризира со чувство на благо пецкање во грлото, кое подоцна се шири
- Голтањето најчесто е благо отежнато
- Проследено е со кивавица и кашлање
- Се лекува без помош на лекар, со помош на топли напитоци, пастили, прополис или други домашни лекови
ВОСПАЛЕНИЕ НА ГРЛО ПРЕДИЗВИКАНО ОД БАКТЕРИСКА ИНФЕКЦИЈА
- Се појавува нагло
- Ждрелото е црвено, болно и отечено
- Во зависност од сериозноста на инфекцијата, можно е да дојде до отоци на лимфните јазли во пределот на вратот
- Голтањето е силно отежнато
- Појава на бели флеки на крајниците
- Губење на гласот и засипнатост
- Бактериското воспаление може да биде проследено со зголемена телесна температура, губење на апетитот и општа слабост
- Се лекува со помош на лекар, најчесто со препишување на соодветен антибиотик
Во зависност од тоа кој дел од грлото го има зафатено, воспалението се дели на:
- Воспаление на ждрелото (фарингитис)
- Воспаление на крајниците (тонзилитис)
- Воспаление на гркланот и на гласните жици (ларингитис)
