Многу пати се случува остатокот од ручекот да се подгрее и изеде наредниот ден. Храна не се фрла, а заштедата е важна. Меѓутоа, постојат и намирници кои не се здрави, доколку се подгреват, па може штетно да влијаат на организмот. Најлошо е храната да се чува во фрижидер, па да се загрева.
Избегнувајте го подгревањето на овие намирници бидејќи на тој начин стануваат токсични.
Ориз
Стручњаците истакнуваат дека подгреаниот ориз може да предизвика вистинска штета. Чувањето на приготвениот ориз на собна температура предизвикува создавање на отровни бактерии. Сварениот ориз чувајте го во фрижидер, во затворен сад. Избегнувајте подгревање, за да избегнете дијареа и повраќање.
Компир
Не се препорачува чување на варени компири на собна температура, бидејќи во овој случај брзо се развиваат отровните бактерии. Консумирањето на компири кои се отстоени, може да предизвикаат труење. Салатата од компир чувајте ја во фрижидер.
Јајца
Јајцата ни случајно не ги подгревајте. На било кој начин да се подготвени, во случај на подгревање, се губат протеините и предизвикуваат сериозни проблеми со дигестивниот тракт.
Пилешко месо
Поради протеините, со кои е богато пилешкото месо, не смее да се подгрева. Во случај тоа сепак да го направите, може да дојде до болки во стомакот, до дијареа или повраќање. Стручњаците советуваат остатокот пилешко да го изедете ладно, како додаток во салата или сендвич.
Масла
Познато е дека многу е опасно исто масло да се користи повеќе пати. За многу масла карактеристична е брза оксидација, па доколку повторно се користи за пржење или варење, испушта транс масти. Било кој вид маснотија да користите за подготовка на храна, фрлете го по првата употреба.
Кромид, целер и цвекло
Неизбежни состојки на многу варени јадења, но многу токсични, во случај да се подгреваат. Се работи за нитратите кои овие билки ги содржат. Доколку го подгревате ова јадење, направете го тоа само еднаш.
Печурки
Печурките се богати со протеини и по обработката ја менуваат структурата и стануваат опасни. Тие не смеат да се чуваат на собна температура бидејќи испуштаат токсини. Доколку подготвувате печурки, потрудете се да не ги чувате подолго од еден ден.
