Главните причини за тоа се одењето на плажа и полесната летна облека под која влошката би се наѕирала. Но многу жени кои користат тампони само во летните месеци, несвесно прават и некои грешки кои би можеле да им го загрозат здравјето. Еве за што станува збор, па во иднина внимавајте!
Ги миете рацете само после ставање на тампонот
Рацете треба темелно да се измијат и пред ставањето на тампонот. Така ќе одбегнете пренесување на опасни инфекции од дланките на интимните делови од телото.
Не го ставате тампонот доволно длабоко
Еден од главните показатели дека не сте го ставиле тампонот доволно длабоко е ако го чувствувате во телото. Тампонот не би требало воопшто да го чувствувате, а ако е ставен преплитко ризикувате и несакани непријатности.
Секогаш користите иста големина на тампони
Со причина постојат различни големини на тампони што одговараат на различни денови од менструалниот циклус. Кога крвавењето е пообилно одберете поголеми, а во последните денови користете ги оние со помала големина.
Преретко ги менувате тампоните
Тампонот е потребно да е менува на секои 4 до 5 часа, дури и кога имате слабо крвавење, само на тој начин ќе избегнете развој на бактерии.
Користите тампон кога имате исцедок
Пообилен исцедок на средината од циклусот е нормална појава кај повеќето жени, но тоа не е причина да користите тампон. Во тој случај изберете тенка секојдневна влошка, додека за капење нема да ви треба ништо. Со користење тампон за време на исцедок ризикувате да ја пореметите природната киселост на вагината и да предизвикате воспаление.
Носите тампон пред добивање или откако ќе ви заврши циклусот
Како и кај претходната ситуација користењето тампон кога немате циклус може да ја поремети природната киселост на вагината, па затоа се препорачува да не ги користите како превентивна мерка.
Не го менувате тампонот по обавена мала нужда
Иако не мора да го менувате тампонот баш после секое уринирање, сепак после три до четири одења во тоалет би требало да го сторите тоа за да спречите можни инфекции заради насобирање бактерии од урината.
Не го менувате тампонот по пливање
По пливање во море или базен задолжително сменете го тампонот за да одбегнете иритации и непријатности кои може да ги развие кончето натопено со хлор или солена вода.
Тампоните не ги чувате на соодветно место
Тампоните треба да се чуваат на затворено и суво место, најдобро во фиока во тоалетот. Ако ги чувате на место на кое би можеле да бидат натопени, треба да знаете дека може да се оштетат и веќе не се употребливи.
Користите тампони со мирис
Тампоните со мирис кај жените со чувствителна вагина може да предизвикаат иритација и чешање, па најдобро е да се одбегнуваат.
Кои се предностите, а кои недостатоците од користење на тампони во лето кај жените?
Користењето на тампони во лето има свои предности и недостатоци:
Предности:
- Комфорт и дискретност: Тампоните се помалку видливи и можат да бидат поудобни при носење на лесна и тесна летна облека.
- Можност за пливање: За разлика од другите хигиенски производи, тампоните овозможуваат пливање без прекин.
- Подобра мобилност: Тампоните овозможуваат слободно движење и учество во различни активности, вклучувајќи спортови и физички активности.
- Потенцијално намалување на непријатните мириси: Тампоните можат да помогнат во намалување на непријатните мириси, бидејќи се наоѓаат внатре во телото и ја спречуваат изложеноста на менструалната крв на воздухот.
Недостатоци:
- Ризик од токсичен шок синдром (TSS): Иако е редок, TSS е сериозна инфекција која може да биде предизвикана од предолго користење на тампон.
- Сувост и иритација: Користењето на тампони може да предизвика сувост и иритација на вагиналната мукоза, особено ако не се избираат соодветни големини.
- Потреба од често менување: За да се избегне ризикот од инфекции, потребно е редовно менување на тампоните (на секои 4 до 8 часа).
- Неудобност за некои жени: Некои жени можат да чувствуваат неудобност при користење на тампони, особено ако не се поставени правилно.
Важно е жените да изберат хигиенски производи кои најдобро одговараат на нивните потреби и комфорт, и да следат упатствата за безбедно користење на тампони.
