Работите што се природни, не се нужно и безбедни“, вели д-р Дејвид Серес. Тој објаснува дека некои супстанци, кога ќе се стават во форма на суплементи, се многу поконцентрирани отколку во природна форма кога имаат добро делување на организмот.
Во продолжение се неколку суплементи кои не би требало да ги мешате со други суплементи или лекови.
Рибино масло
Интеракции со лекови: Земањето на рибино масло и лекови за намалување на крвниот притисок може да предизвика многу низок притисок. Исто така, треба да се биде внимателен при земањето рибино масло и лекови кои може да го интензивираат крварењето, како ибупрофен и ацетилсалицилна киселина.
Интеракции со други суплементи: Земањето рибино масло со тревки кои го забавуваат згрутчувањето на крвта може да доведе до крварење.
Калциум
Интеракции со лекови: Калциумот може да го наруши дејството на многу лекови, вклучувајќи ги и оние препишани за остеопороза, познати како бифосфонати. Исто така, може да влијае на дејството на лековите за притисок, антибиотиците од групата на тетрациклини и кинолони, како и левотирокин, што се користи за лекување на хипотиреоза.
Ехинацеа
Интеракции со лекови: Способноста на ехинацеата за стимулација на имуниот систем може да го поремети дејството на лековите кои го слабеат имуниот систем, како стероидите.
Мелатонин
Интеракции со лекови: Со оглед на тоа дека мелатонинот може да ве направи поспани, неговото земање со седативи како бензодиазепини и некои антидепресиви може да предизвика преголема поспаност. Мелатонинот исто така може да предизивика забавено згрутчување, па неговото комбинирање со антикоагуланти може да предизвика појава на модринки и крварења. Избегнувајте да земате мелатонин ако земате лекови за притисок, бидејќи може да го покачи притисокот.
Интеракции со други суплементи: Тоа може да има седативно дејство и може да ги влоши несаканите реакции на мелатонинот.
Цинк
Интеракции со лекови: Ако земате антибиотици со кинилон или тетрациклин, цинкот може да му отежне на организмот да ги апсорбира тие лекови. За да бидете сигурни тоа да не се случи, антибиотиците испијте ги два часа пред цинкот. Исто е и со лековите со пенициламин, кои се користат за лекување на ревматоиден артритис. Земајте цинк два часа пред овие лекови за да се спречи лоша апсорбција на лековите, пишува Health.
