Јасно е дека водата не би требало да се расипе, но дали тоа навистина важи и за флашираната вода? Иако звучи неверојатно, но оваа вода има свој рок на траење!
Кога ќе го отворите шишето, водата би требало да ја испиете многу брзо, односно за еден ден, за да бидете сигурни дека сте испиле свежа вода.
Можеби не сте забележале, но треба да обрнете внимание и на етикетата на шишењето кога купувате вода. На неа се наоѓа ознака „најдобро употребете ја до…„. Секако, тоа не значи дека после тој рок е неупотреблива.
Доколку не сте го отвориле шишето, нема рок на траење и водата е безбедна за пиење, објаснуваат стручњаците. Секако потребно е водата да е полнета на хигиенски начин, велат во германскиот институт “SGS Fresnius” кој се занимава со лабораториски анализи.
Кога шишето ќе се отвори, ситуацијата е поинаква. Во тој случај водата треба да се испие истиот ден. Ако водата стои подолго време отворена, може да влезат микроорганизми и брзо да се размножат, особено ако водата не стои во фрижидер, објаснуваат стручњаците.
