Според Оксфордскиот речник, супер храна е храна богата со хранливи состојки што се смета дека дека е особено корисна за здравјето и благосостојбата.
Употребата на терминот „супер храна“ датира уште од почетокот на 20-тиот век. Сепак, во последната декада овој термин стана популарен во секојдневниот јазик, веројатно како резултат на зголемениот јавен интерес за здрава храна.
Спанаќот е, веројатно, првиот зеленчук со вакво тврдење. Продажбата на ова растение го достигнала својот врв во 1950 години како резултат на популарноста на Попај, цртаниот лик кој голта конзерви спанаќ за добивање сила и моќ.
Разбиени митовите за супер храната
Гоџи бобинки
Тврдење – гоџи бобинките традиционално со векови биле дел од кинеската медицина. Достапни како сушено овошје или во форма на сок, овие збрчкани црвени бобинки наводно го зајакнуваат имунолошкиот систем и мозочната активност, штитат од срцеви заболувања и рак и го подобруваат животниот век.
Вистина – експертите тврдат дека треба да се испијат 13 порции сок од гоџи бобинки за да се добијат онолку антиоксиданtи колку што може да се најдат во едно црвено јаболко.
Киноа
Тврдење – ова јужноамериканско жито содржи до 18 проценти повеќе протеини од кое било друго жито, и аминокиселини за изградба на мускули и телесно ткиво. Природно ова жито не содржи глутен и има низок гликемиски индекс.
Вистина – покрај протеините, киноата содржи сапонини и лектини кои може да го иритираат желудникот. Некои лица се жалат на гасови и надуеност по нејзиното консумирање, што може да е резултат од високата содржина на растителни влакна.
Кокосова вода
Тврдење – кокосовата вода стана еден од најбрзо растечките безалкохолни пијалаци во Европа. Се смета дека е богата со калиум и магнезиум. Овие минерали се трошат по вежбање, па така кокосовата вода често се продава како пијалак за после тренинг.
Вистина – додека кокосовата вода има релативно ниско ниво на калории (околу 20 kcal на 100 мл) повеќето од нив доаѓаат од природни шеќери. Една порција од 330 мл содржи три лажички шеќер, половина од вашата препорачана дневна доза.
