Вистина е дека навистина постои „храна за среќа“. Серотонинот е хормон кој се наоѓа во човековиот мозок, дигестивниот тракт и тромбоцитите во човекот, но и во животните. Има значајно влијание на субјективното чувство на среќа и благосостојба, може да не ослободи од привремена анксиозност и депресија, бидејќи служи како средство за регулирање на расположението. Освен тоа, серотонинот влијае и на добар сон, ги регулира апетитот, сексуалноста, чувството за болка, па дури помага и во регулирање на метаболизмот и телесната температура.
Серотонинот се произведува во мозокот со биохемиска реакција од триптофанот. По тоа, има функција на невротрансмитер (ги пренесува нервните импулси). Ниското ниво на серотонин се манифестира низ општото лошо расположение. Значи, ако сакаме да се чувствуваме среќно во секојдневните ситуации и да уживаме во малите работи кои значат живот, потребно е да имаме доволно серотонин.
Добро е што по природен пат може да се зголеми нивото на серотонин во организмот и да се внесе повеќе среќа во животот. Тоа се постигнува со производи кои го зголемуваат производството на серотинин во мозокот. Потребно е да се знае која е таа „храна за среќа“, како би го избегнале неконтролираното јадење во моменти на депресија, без позитивни резултати.
Најзначајни намирници кои го зголемуваат серотонинот – хормон за среќа се:
- Црно чоколадо
- Банани
- Вишни
- Протеини од сурутка
- Јајца
- Елда
- Целер
- Тиква
- Семки од сончоглед
- Ленено масло
- Морски плодови
- Телешко месо
- Мисиркино месо
Освен овие намирници, корисни се и сите други кои содржат витамин Б, бидејќи има важна улога кога станува збор за здравјето на мозокот и производство на сите невротрансмитери, вклучувајќи го и серотонинот.
