Ритуали за среќа: Дајте им име на негативните чувства и соочете се со нив

Именувањето на чувствата е основен метод со кој се служат преговарачите на ФБИ со луѓе кои држат заложници

Постојат безброј книги за самопомош, животни гуруа и совети, но најдобро е обичното и она наједноставното, тврдат невролозите од Универзитетот Лос Анџелес, повикувајќи се на четири едноставни ритуали за среќа.

Водичот на истражувањето и угледен невролог д-р Алекс Корб објаснува како да го постигнете тоа:

Најважните прашања што треба да се постават во лошо време

Понекогаш, се чини, дека нашиот мозок не сака да биде среќен, може да чувствуваме срам или вина. Зошто? Верувале или не, вината и срамот го активираат центарот за наградување во мозокот. Интересно, чувството на гордост е една од најмоќните емоции, која е прекинувач на активностите во повеќето мозочни региони, освен во подрачјето на nucleusa accumbens, каде што победуваат вината и срамот. Затоа потсвесно ни се допаѓа да се обвинуваме и да се посрамуваме самите, како и да се грижиме премногу.

Понекогаш е доволно да се донесат „доволно добри“ одлуки, не треба да се заморувате да ги пронајдете совршените, бидејќи такви не постојат

Но вината, срамот и загриженоста долгорочно се страшни чувства, па невролозите препорачуваат зголемување на допаминот. Ова можеме да го направиме со лекови, но исто така и со нешто многу поедноставно – со вежбање благодарност. Неопходно е да се запрашате „За што сум благодарен?“. Иако понекогаш, се чини, дека нема на што да сме благодарни, поентата е во самата потрага по одговор, односно размислување за позитивните и убави нешта, како што се семејството, здравјето, пријателите, покрив над главата …

Идентификувајте ги негативните чувства

Се чувствувате ужасно. Добро, ајде дајте му име на тој ужас. Тага? Гнев? Вознемиреност? Истражувањата покажуваат дека луѓето кои ги потиснуваат негативните чувства не можат да го направат тоа, а штом ќе се соочиме со нив, тие побрзо ќе поминат. Треба само да се најдат зборови кои ја опишуваат емоцијата, тоа ќе го активира предфронталниот кортекс. Именувањето на чувствата е основен метод со кој се служат преговарачите на ФБИ со луѓе кои држат заложници, истакнал д-р Корб. 

Донесете одлука

Дали некогаш сте донеле одлука и веднаш сте почувствувале олеснување? Тоа не е случајно. Одлучувањето го вклучува процесот на создавање намери и поставување на цели, и конечно, донесените одлуки го смируваат нашиот лимбичен систем. Но донесувањето одлуки понекогаш, се чини ,тешко, а невролозите и на тоа имаат одговор. Понекогаш е доволно да се донесат „доволно добри“ одлуки, не треба да се замарате да ги пронајдете совршените, бидејќи такви не постојат. Со одлуките преземаме контрола над нашите емоции, а тоа е најважното нешто.

Допрете ги луѓето

Луѓето во своето битие имаат запишано потреба за љубов и прифаќање од страна на другите. Исто така, недостатокот на чувства на љубов и прифаќање докажано е болно, како што човечкиот допир лекува. Без разлика дали станува збор за ракување, прегратка, тапкање по рамо, галење или бакнеж, тоа е она што ни треба на дневна основа, и колку повеќе си го ускратуваме толку полошо се чувствуваме. Наша „цел“ не треба да биде само партнерот, туку генерално, драги луѓе со кои се чувствуваме безбедно и добро.