Кога ќе добиете грип, сакате само што побргу да помине. За жал, иако симптомите може да се појават одненадеж, вирусот не е така бавен, а заразни сте и пред воопшто да станете свесни дека сте болни.
Од моментот кога ќе “закачите“ грип до појава на првите симптоми, обично поминува помеѓу еден и четири дена. А, тогаш ве прегазува со сета сила.
“Се чувствувате релативно добро и тогаш бум. Исрцпени сте, ве болат мускулите, коските ве болат и се што сакате е да бидете во кревет“, вели д-р Грегори Поланд од Мајо клиниката.
Типично, првите симптоми се зголемена телесна температура, треска, болки во телото и замор. Тогаш почнува да ве боли грло, а ќе се појави и сува кашлица. Температурата обично трае помеѓу два и четири дена, додека останатите симптоми траат и седум дена. Д-р Поланд вели дека може да не се чувствувате добро и цела недела.
Грипот може да го лекувате и сами, но ако температурата ви се покачува и после четвртиот ден и ако не се чувствувате воопшто добро и после петиот ден од појава на на првите симптоми. Причина за посета на лекар е и краток здив, како и искашлување на зеленкаст шлајм.
Колку долго сте заразни?
Проблемот со грипот е во тоа што сте “опасни за околината“ и пред да ги почувствувате првите симптоми. Остантите може да ги заразите околу 24 часа пред да почувствувате било што, како и пет до седум дена откако сите симптоми ќе исчезнат. Децата кои имаат грип може да заразат и подолго од една недела по поминување на симптомите. Бидејќи вирусот може да се шири толку долго, лекарите советуваат да се остане дома се додека сте болни.
“Штом забележите било какви симптоми на грип, не би требало да одите на работа, а децата не смеат да одат на училиште или во градинка“, потсетува д-р Поланд.
Кога ќе престане кашлицата и телесната температура ќе се нормализира во траење од три дена, може да се вратите на редовните активности. Доколку избрзате со активностите, лекарите велат дека опоравувањето ќе се забави и подолго ќе се чувствувате лошо.
