Да се заразите со грип, особено кога е во полн ек не е нималку тешко. Доволно е некој заразен да кивне или да се закашла во ваша близина, па да вдишете од контаминираните честички. Дури и допирот на предмети изложени на вирусот, на пример, тастатура, квака и сл., може да биде вашиот пат до креветот на недела или две. Потоа нагло ќе дојдат и симптомите како температура, затнат нос, болки во мускулите, постојано кашлање, главоболја, малаксаност…
Колку долго трае грипот?
Може да сте болни меѓу еден и четири дена пред да почнете да ги чувствувате првите симптоми на вирусот.
„Ќе се чувствувате релативно добро и тогаш ќе дојде до шок – ненадејно ќе бидете исцрпени, ќе ве болат сите мускули и зглобови“, објаснува доктор Грегори Поланд од клиниката Мејо.
Тоа е знак дека имате работа со грип, а не настинка. Симптомите на грип се јавуваат многу брзо и поинтензивни се. Најраните симптоми обично вклучуваат температура, треска, болки во мускулите и телото, малаксаност и умор. Тогаш можеби ќе забележите и други симптоми како болки во грлото и сува кашлица. Симптомите може да траат и до една недела, а не е исклучено да не се чувствувате потполно добро ни после повеќе од две недели, вели доктор Поланд. Лекувањето по правило е составено од многу одмор и намалување на температурата, земање терапија против болки и многу течности.
Колку долго е заразен грипот?
Пред воопшто да ги почувствувате симптомите на грип, вие веќе сте заразни. Вирусот може да го пренесете отприлика ден пред појавата на првите симптоми до отприлика пет до седум дена по вирусот. Децата можат да го пренесат вирусот и подолго од една недела. Со оглед дека вирусот на грип можете долго да го пренесувате, важно е да останете дома ако сте болни.
„Штом станете свесни за какви било симптоми, не би требало да одите на училиште или на работа. Тргнете дури штом ќе престанете да кашлате и кога температурата ќе се нормализира“, велат стручњаците.
Имајте на ум дека треба да направите пауза и со физичката активност, не почнувајте прерано затоа што само така можете да го продолжите периодот на опоравување.
