Настинка или грип! Која е разликата?

Според податоците на Институтот за јавно здравје, во текот на минатата недела, заклучно со 06. октомври во земјава пријавени се 4 случаи на групни пријави за заболени од грип/заболувања слични на грип, соодветно за овој период од сезоната во споредба со минатата сезона и просекот. Заболени од грип се пријавени од Штип (n=2) и  Тетово (n=2). Во однос на возраста, две лица од заболените се од возрасната група од 15-64 години и по едно лице е регистрирано од возрасните групи од 0-4 години и од 15-64 години.

Есента не носи само студено време, дожд и ветрови, туку и појава на настинка и/или грип.

Дали знаете каква е разликата помеѓу овие две заболувања?

Настинката и грипот спаѓаат во групата на инфекции (кои се шират преку вдишување на ситни капки секрет), кои во текот на говорот, кашлање или кивање заразената или заболената личност ги исфрла во својата околина. Тие капки преку воздухот стигаат до други лица, кои со вдишување ги внесуваат во организмот, со што болеста се пренесува на здрави лица. Здрав човек може да се зарази и допирајќи површини инфицирани со вирусот, и потоа ги пренесуваат во носот или устата.

НАСТИНКА

Најстинката е најчеста од сите вирусни инфекции. Се шири многу брзо, вообичаено трае околу една недела, ако не се искомплицира со бактериска инфекција. Настинката предизвикува повеќе од 200 видови вируси кои ја напаѓаат слузницата на носот, синусите, грлото и бронхиите.

Настинката обично почнува постепено, се одликува со нормална или благо зголемена температура, затнат нос, или тече на нос, кивање. Главоболката, болката во грло, како и кашлицата исто така може да се јават, но со поблаг интензитет во однос на грипот.

СЕЗОНСКИ ГРИП

Грипот го предизвикува вирусот influence. Познати се три типа на инфлуенца: тип А, тип Б и тип Ц. Вирусите на грип спаѓаат во многу променливи вируси, а резултат на промената е нова варијација на вирусот, која кај популацијата може да предизвика епидемија.

Сезонскиот грип настанува нагло, секогаш е проследен со висока темепратура, главоболка, болки во мускулите и зглобовите, чувство на замор и исцрпеност и сува, непријатна кашлица. За разлика од настинката, затнат нос и кивање кај грипот поретко се јавуваат.

Како да си помогнете:

  • Внесувате што повеќе топли напитоци (чаеви, супа) и лимонада
  • Консумирајте повеќе свежо овошје и зеленчук поради содржината на витамини, минерали, антиоксиданти и растителни влакна
  • Навлажнувајте го воздухот во просторијата во која престојувате
  • Редовно проветрувајте
  • Што повеќе мирувајте и одморајте се