Чепчињата за уши обично се безбедни за употреба при спиење, меѓутоа можно е со зачестена употреба на подолги патеки да дојде до некои помали проблеми како таложење на ушен восок. Понекогаш шумот од околината може да го поремети сонот, на пример, спална соба која гледа на прометна улица може да влијае на траењето на сонот. Чепчињата за уши може значително да го намалат количеството на звук кое влегува во ушите, што може да им помогне на луѓето да заспијат во бучно окружување. Тие се одличен начин за спречување на околните звуци кои можат да го пореметат природниот процес на спиење. Меѓутоа не се одразува секој вид врева негативно врз сонот. Некои луѓе сметаат дека умерените шумови или музиката се корисни за заспивање. Во повеќето случаи вревата е таа која го попречува спиењето, а со самото тоа и ритамот на живот.
Истражувањата покажуваат дека чепчињата за уши се сигурен и пристапен начин за подобрување на квалитетот на сонот. Во некои случаи употребата на чепчиња за уши, заедно со маска за очи може да го подобри сонот, РЕМ фазата како најдлабок облик на сонот, и подражава неколку важни процеси како консолидација на меморијата.
Чепчињата за уши, исто така, можат да го зголемат нивото на мелатонин, хормон кој е мошне важен за сонот. Во споредба со некои други методи кои го поттикнуваат сонот, чепчињата за уши имаат помалку нуспојави. На пример, без разлика дали одат на рецепт или без него, и таблетите за спиење може да имаат низа нуспојави, како вртоглавица и дневна поспаност.
Чепчињата за уши би требало да ја намалат вревата, но и да бидат доволно удобни за спиење. Во почетокот може да се чувствува непријатност, но тоа чувство со текот на времето ќе исчезне. Има малку информации за тоа колку честата употреба на чепчиња на подолг рок може да влијае на ушите. Еден од можните ризици е таложење на ушен восок.
Ушниот восок или церумен е восочна супстанца која помага во заштитата на ушниот канал од вода, бактерии и други штетни нечистотии. Тој е важен за одржување на доброто здравје на увото, но може да предизвика и проблеми. Долготрајното блокирање на ушниот канал, како што е редовната употреба на чепчиња, може да предизвика насобирање на ушен восок, што, пак, може да предизвика чешање и непријатност во увото, зуење, потешкотии со слухот, кашлица и вртоглавица.
Исто така, можно е редовната употреба на чепчиња да предизвика инфекција на увото. Тоа може да се случи и како последица на бактериите кои влегуваат во ушниот канал или настануваат од насобраниот ушен восок. Инфекцијата на увото може да предизвика симптоми кои вклучуваат вртоглавица, мачнина, повраќање, но и проблеми со слухот.
