Лицата кои живеат во загадени подрачја имаат поголема веројатност да извршат самоубиство или да бидат депресивни, покажуваат истражувањата.
Научниците ги прегледале податоците од истражувања спроведени до 16 земји кои го проучувале долгорочното влијание од дишењето отровни честички од воздухот на менталното здравје. Откриле дека како нивото на загадување се зголемувала, така се зголемувала и стапката на самоубиства и депресија.
Се смета дека отровните честички кои ги емитираат автомобилите и индустријата предизвикуваат воспаление на мозокот кога низ вдишувањето доаѓаат во крвотокот или влијаат на нивото на хормонот на стрес – две работи кои се поврзани со лошо ментално здравје.
Истражувачите пронашле и докази за поврзаноста на загадениот воздух и самоубиствата. Во деновите кога загадувањето било посебно високо, имало најголем број самоубиства.
“Веќе знаеме дека загадувањето на водузхот е лошо за здравјето на луѓето, а бројни ризици по него може да варираат од болести на срцето и белите дробови, до мозочен удар и поголем ризик од деменција. Со ова истражување покажавме дека загадениот воздух може да создаде значајна штета и на менталното здравје“, изјавила водечкиот автор на истражувањето д-р Изабел Берјтвајт.
