Откријте кои намирници ги штитат белите дробови од загадениот воздух

Познатиот италијански нутриционист Диана Скатоза тврди дека против негативните последици од загадениот воздух, може да се борите и со правилна исхрана. Откријте како!

Доколку живеете во поголем град, со развиена индустрија, многу добро ви е познато дека воздухот кој го дишете е се позагаден и дека се повеќе луѓе од вашето окружување, а особено децата, страдаат од хронична астма или бронхитис. Кога се движите по улиците на вашиот град, тој загаден воздух ги  иритира носот, грлото и белите дробови, предизвикува воспаленија, отвора пат на разни вируси и бактерии, организмот слабее и е подложен на болести. Најголема штета на дишните патишта, секако нанесува смогот, полн со ситни честички кои ги емитуваат автомобилските гасови, а кои ги вдишувате веднаш штом ќе излезете надвор.

Затоа, се почесто се прашувате дали освен носењето маски, постои некој друг начин да се заштитите од смогот или барем да ги ублажите несаканите ефекти?

Познатиот италијански нутриционист Диана Скатоза тврди дека против негативните последици од загадениот воздух може да се борите и со правилна исхрана, богата со намирници кои ги штитат белите дробови. Тука спаѓаат: зелка, брокула, морков, портокал, јаболко, риба, особено лососот, интегрални житарки и пробиотици, кои спречуваат воспаление на носот, грлото и бронхитис, го јакнат имуниот систем и прават организмот да биде поотпорен, тврди Скатоза.

  • Лососот како исклучително богат извор на омега 3 масни киселини и протеини, го ублажува воспалението и го стимулира производството на антитела.
  • Зелката спаѓа во групата на зеленчук кои содржи изотиоцијанити, хемиски супстанци кои го намалуваат канцерогеното дејство на смогот.
  • Јаболкото е богато со антиоксиданти од семејството на флавоноиди, кои ги намалуваат воспаленијата и го стимулираат имуниот систем.
  • Пробиотиците воспоставуваат бактериска рамнотежа и ја нормализираат работата на дебелото црево, орган во кој се сконцентрирано дури 80% од клетките на имуниот систем.
  • Портокалите се богат извор на витамин Ц, кој го смирува воспалението, ги ублажува симптомите на настинка и еввентуалните оштетувања на ткивото предизвикано од инфекција.
  • Сончогледот е богат со витамин Е. Овој витамин го подигнува нивото на антиоксиданти во течностите кои се наоѓаат во белодробните алвеоли.
  • Кромидот содржи природна дезинфекциона супастанца алицин, кој е одличен сојузник во борбата против вирусните и бактериски инфекции.
  • Морковот содржи бетакаротен кој го блокира дејството на слободни радикали и со тоа спречува појава на тумор на белите дробови.