До пукање на капилар доаѓа по запушување на некој од крвните садови во окото. Оваа состојба е сериозна и може да доведе до трајно оштетување на видот. Црвената дамка која се јавува како последица од пукање на капилар на окото може да изгледа застрашувачки, но всушност се работи за крвен подлив, односно обична модрица која ќе помине како и секоја друга модрица без никакво третирање. Оваа состојба станува опасна ако ја следи и нагло губење на видот.
„Крвниот подлив на окото не мора секогаш да доведе до влошување на видот“, потенцираат офталмолозите. Тие велат доколку појавата на подлив на окото се појавува повеќе пати, неопходно е да се направи лекарски преглед, бидејќи освен зголемениот крвен притисок, постојат и други причини за оваа појава.
Според стручњаците, многу поопасно е пукањето на капилари внатре во окото, бидејќи во тој случај секогаш доаѓа до нагло губење на видот, а често окото останува бело без создавање на крвни подливи.
“Пукањето на капиларите се појавува по запушување на некој од крвните садови во окото. Оваа состојба е сериозна и може да доведе до трајно оштетување на видот. Причини за оваа појава може да бидат многу, но пред се е последица од зголемен крвен притисок, шеќер и маснотии во крвта, болести на срцето, болести на крвните садови, како и некои офталмолошки заболувања“, објаснуваат офталмолозите.
Тие истакнуваат дека во случај на најлоша форма на губење на видот потребно е веднаш да се побара лекарска помош.
