Најновото истражување дошло до интересни сознанија кога станува збор за разликите во стареењето помеѓу мажите и жените. Имено, резултатите покажале дека жените стареат побрзо – нивното стареење се забрзува за две години секој пат кога ќе се породат! Ова значи дека колку повеќе деца имаат, толку е, теоретски, пократок нивниот животен век.
Студијата во која учествувале повеќе од 3 200 жени на возраст од 20 до 22 години, покажала дека породувањето има лош ефект на клеточно ниво.
Промените на клетките во бременоста имаат врска со промените и прилагодувањето на имунолошкиот систем на мајката
Кај мајките кои имаат неколку деца, староста на клетките е поголема за половина година до две години секој пат кога ќе се породат, откриле истражувачите од „Northwestern University“, Илиноис, САД.
Во ова истражување, тие барале два маркера на стареење на клетките: должината на теломерите и епигенетската старост, и обата „независен индикатор за смртност“.
Водечкиот автор на истражувањето Кејлен Рајан изјавил дека „и обата маркери се постари кај жени кои поминале низ повеќе бремености“.
Истражувачкиот тим соопштил дека промените на клетките во бременоста имаат врска со промените и прилагодувањето на имунолошкиот систем на мајката.
Резултатите се објавени во „Scientific Reports“, а сега истражувачите работат на студија која треба да покаже дали забрзаното стареење на клетките е поврзано со здравствени проблеми кај жените подоцна во животот.
