Паровите треба да причекаат најмалку една година по раѓање на детето пред да се одлучат да имаат второ дете, се наведува во новата студија.
Повторната бременост за време на првата година од породувањето го зголемува ризикот од предвремено раѓање на детето, раѓање на мрво дете, па дури и смрт на мајката, откриваат научниците од Харвард и наведуваат дека растојанието од 12 до 18 месеци помеѓу бременостите се покажало најсигурно и за мајката и за детето.
Стручњаците напоменуваат дека тоа е особено важно за повозрасните мајки. Водачот на истражувањето д-р Лаура Шумерс вели дека ризиците зависат од годините на жената и дека за оние постари од 35 години малото растојание помеѓу двете бремености е посебно опасно за мајката.
Меѓу оние кои забремениле шест месеци по раѓањето на првото дете, истражувачите откриле 1,2 проценти ризик од смрт кај мајката или сериозни здравствени последици. Жените кои чекале 18 месеци меѓу бременостите ризикот им бил за половина помал.
