Веројатно, сте чуле за препораката на Светската здравствена организација, според која секојдневно би требало да се направат по 10 000 чекори за да се остане во добра форма. Оваа бројка на чекори одговара на помината патека во должина од 7,5 километри дневно.
Но неодамнешната студија на научници од Универзитетот во Масачусетс ја довела во прашање оваа бројка, која, според нив, е повеќе симболична и не е научно потврдена. Дотолку повеќе лекарите стравуваат дека кај луѓето со хронични болести и постарите лица, кои претежно седат, обидот оваа препорака секојдневно да се применува би можел дури и неповолно да влијае на нивното здравје. Исто така, самата идеја за секојдневното поминување по 7, 5 километри може дури и неповолно да влијае на нивното здравје. Исто така, самата идеја за секојдневно поминување по 7,5 км може да делува недостижно и обесхрабрувачки.
Авторите на споменатото истражување напоменуваат дека слабото движење навистина е лошо по здравјето, како и дека личностите кои прават помалку од 5000 чекори дневно имаат поголем ризик од зголемена телесна тежина, додека кај постарите е можен проблем со мускулна атрофија и губиток на коскената маса. Сепак, прашањето кое се поставува е – колку чекори дневно се потребни и доволни за да се намалат ризиците од болести и за да, воопшто, можеме да имаме подобро здравје.
Со цел превенција од кардиоваскуларни заболувања и намалување на ризикот од болести како што е ракот на дојка, научниците препорачуваат да се почне со броење на чекорите, и тоа од 6 000 дневно. За личностите на возраст од 18 до 65 години идеална би била секојдневната прошетка од барем 30 минути и тоа брзо одење. Имено, самото темпо на одење е мошне важно – брзото одење го зголемува срцевиот ритам и ја подобрува циркулацијата што како резултат, исто така, има и забрзување на метаболизмот.
