Резултати од нова студија укажуваат дека подрачјето на мозокот, познато како хипоталамус, е околу шест проценти помал кај жените кои користат контрацепциски таблети. Исто така, воочено е дека жените кои користат таблетарна контрацепција, почесно е бесни и нервозни, и имале симптоми на депресија.
Инаку, хипоталамусот произведува хормони и помага во регулирањето на основните телесни функции, како што се температура, сон, овулација, менструален циклус, сексуален нагон, апетит, расположение и работа на срцето.
Се проценува дека во САД околу 16 проценти од жените на возраст од 15 до 44 години, користат контрацепциски таблети.
Треба да се спомене дека контрацепциските таблети се користат и за лекување на други состојби, како нередовен менструален циклус, акни, ендометриоза и синдром на полицистични јајчници.
Се смета дека оваа студија веројатно нема во непосредна смисла да промени клиничката пракса, но може да послужи како отскочна даска за подобрување на разбирањето на сложениот однос на оралните контрацептиви и мозокот.
Важно е да се напомене дека промената на волуменот на хипоталамусот не значи нужно и дека ќе дојде до промена во неговата функција.
