Дали сте знаеле дека околу 70% од жените додека се во репродуктивна фаза, во САД користат некаков вид контрацепција, како облик на современото планирање на семејство, додека во Еворпа изнесува 60%, а најнизок процент на употреба на контрацетивни средства е во БиХ, Црна Гора и Македонија. Паровите кои имаат незаштитени полови односи и не користат ниту еден метод имаат околу 85% шанси за бременост во период од една година. Употребата на контрацепција им овозможува на паровите да може да го планираат своето семејство, самите да одлучат кога е најдобро време за потомство, бројот на деца кои сакаат да ги имаат, и нуди ефикасна заштита меѓу две бремености.
Контрацепцијата го чува репродуктивното здравје на жената, го намалува процентот на несакани бремености и абортуси. Некои од методите на заштита (кондом) штитат и од полово преносливи инфекции и ХИВ.
Како контрацепцијата штити од несакана бременост:
- Спречува овулација
- Ја тенчи слузницата на матката и спречува вгнездување на зачетокот
- Ја менува густината на цервикалната слуз која станува непроодна за сперматозоидите
- Создава пречка помеѓу сперматозоидите и јајце клетките
Со правилно користење, контрацептивните методи имаат ефикасност од 99%, што значи дека една од 100 жени ќе остане трудна, во период од една година.
Кои контрацептивни методи се најдобри според годините:
- Ако сте на возраст од 15 до 35 години, спаѓате во популација од низок ризик за користење на хормонски орални контрацепции (лекови), па поради едноставната примерна, тоа е најдобар избор. Покрај лековите, секако совет е користење кондом како метода на механичка контрацепција, која штити од полово преносливи болести.
- Ако сте на возраст од 35 до 45 години, може да одберете една од методите која е најдобра за организмот и животните навики: бакарна спирала, вагинален прстен, имплант или една од методите на механичката контрацепција.
- Во случај кога сте донеле одлука дека повеќе не сакате да забременувате, може да се направи стерилизација како метод за контрацепција.
Од сите методи, најраспростанета меѓу жените е хормонската орална контрацепција.
Хормонската метода, освен што овозможува ефикасна заштита од несакана бременсот, има и други предности: го регулира менструалниот циклус и со намалува крварењето, ја намалува менструалната болка, ефикасно делува на акните и зголемената влакнетост.
При бирање контрацепција задолжително советувајте се со својот гинеколог, кој врз основа на здравствената состојба, животните навики, и можните фактор ризици, ќе ја одбере најдобрата контрацепција за вас.
