Суплементите за слабеење, разно-разните препарати и строгите диети често се покажуваат како неефикасни во процесот за слабеење, особено ако сакаме на подолг рок да се ослободиме од вишокот килограми.
Покрај урамнотежената исхраната и редовното вежбање во борбата против масните наслаги може да помогне и копривата. Копоривата е природен диуретик и помага да го прочистиме телото и да го исфрлиме вишокот вода од организмот. Оваа билка е одличен природен лек за детоксикација, а докажано е дека го забрзува метаболизмот. Копривата спречува таложење на штетни материи во мускулното ткиво и лимфниот систем и така позитивно влијае на функционирањето на целиот организам.
За слабеење копривата можете да ја користите како чај, од неа да направите тинктури и да ја додавате во разни јадења.
Стручњаците истакнуваат дека е доволно секој ден да се испијат три чаши сок од коприва за да се забрза метаболизмот и да се поттикне слабеењето. Без оглед на кој начин ќе решите да користите коприва за време на диетата, секако, нема да згрешите затоа што оваа билка е лек за многу заболувања.
Копривата помага кај заболувања на простата, кардиоваскуларни заболувања, анемија, болести на уринарниот тракт и метаболичко пореметување.
