Доколку утре ве чека напорен ден и особено ви е важно добро да се одморите, веруваме дека некој од триковите во продолжение ќе ви биде од голема помош. За почеток престанете со консумирање на напитоци богати со кофеин како што се кафето и чајот, особено во попладневните часови. Неколку часа пред одење в кревет намалете ја светлината, изгаснете го телевизорот и останатите електронски уреди како компјутер, таблет и мобилен телефон.
Пред да појдете на спиење, опуштете се во топла бања. Топлината на водата ќе им помогне на напнатите мускули да се опуштат, додека брзо разладување кое ќе го почувствувате од излегувањето од водата ќе ви помогне побрзо да заспиете. Доколку можете регулирајте ја температурата во собата во која спиете да биде од 18 до 22 Целзиусови степени.
Исто така, облечете чорапи, верувале или не, но оваа навика помага побрзо да заспиете. Чорапите ги загреваат стапалата и ја подобруваат циркулацијата така што мозокот побрзо добива сигнал дека е време за спиење. Длабокото дишење, исто така, помага побрзо да нурнете во светот на соништата. Вдишете длабоко додека во себе броите до 6, задржете го здивот 3 секунди и потоа додека повторно броите до 6 издишете. Повторете го ова четири пати.
Добра ноќ!
