Претпоставуваме дека чувствувате страв ако припаѓате на оваа група, па ви донесуваме неколку совети како да се однесувате.
КОЈ Е ВО РИЗИЧНА ГРУПА?
Поради одредени здрваствени состојби можете многу полесно да се заразите со коронавирусот, кој предизвикува респираторни болести. Повозрасните лица со послаб имунитет, оние со хронични болести како астма, дијабетес и срцеви заболувања се ризична група.
ШТО АКО ИМАТЕ АСТМА?
Секогаш во близина носете пумпица со лек и користете ја онака како што ви препишал лекарот, оти така ќе ги намалите шансите за напад на астма како последица на респираторниот вирус. Ако астмата се влошува, користете пумпица, а ако симптомите се се полоши, веднаш јавете се на лекар!
ТРЕБА ЛИ СИТЕ ПОВОЗРАСНИ ЛИЦА ДА БИДАТ ВО САМОИЗОЛАЦИЈА?
Последниот совет е дека за тоа нема потреба, а ако работите не се сменат во скоро време, можеби како во Англија и Србија, надлежните служби ќе советуваат останување дома на сите лица постари од 70 години, со цел да се заштитат. Ако во семејството имате повозрасно лице, задолжително секојдневно проверувајте го телефонски или преку друг безбеден начин.
ШТО АКО ИМАТЕ НЕКОЈА ОД ХРОНИЧНИТЕ БОЛЕСТИ?
Лицата кои страдаат од одредени потешки тегоби, како висок крвен притисок или ослабен имунитет, имаат поголеми шанси да развијат сериозни симптоми по зараза со коронавирус.
Ако сте во групата на оние кои се чувствителни на настинка и грип, важно е да превземете одредени чекори за да го намалите ризикот од зараза. Ако се јават симптоми како кашлица или температура, останете дома, а ако симптомите не минуваат и по неколку дена, веднаш повикајте ги надлежните служби за пријава на можни случаи заразени од коронавирус.
ШТО АКО ИМАТЕ ДИЈАБАТЕС?
Лицата кои имаат дијабетес тип 1 или тип 2, може да развијат сериозни симптоми ако дојдат во контакт со коронавирусот. Според д-р Ден Ховарт, од одделот за дијабетес во Англија, коронавирусот може да предизвика компликации кај лицата со дијабетес, па ако ви се јават симптоми како кашлица, висока температура или потешкотии со дишењето, мора постојано да го следите нивото на шеќерот во крвта.
Треба да останете дома неколку дена и редовно да земате терапија. Не одете по болници или аптеки. Секако, ако симптомите се влошуваат, веднаш контактирајте ја стручната служба.
ДАЛИ БРЕМЕНИТЕ ЖЕНИ СЕ РИЗИЧНА ГРУПА?
Не постојат докази дека бремена жена спаѓа во рзична група. Сепак, треба да ги превземат сите мерки на заштита како би избегнале конткат со вирусот.
ШТО Е СО ПУШАЧИТЕ?
Според д-р Дебора Арнот, шеф на одделот за јавно здравје на Англија, советот е оние кои пушат многу цигари да престанат веднаш или да ја намалат количината, се со цел да ги намалат шансите за развој на сериозни симптоми.
Пушачите може да развијат тешки симптоми и подложни се на развој на тешки респираторни заболувања. Таа советува дека престанувањето со пушење е одлична работа за заштита на здравјето, а моменталната ситуација за секој треба да биде дополнителен мотив.
ПОТСЕТУВАЊЕ: ШТО Е САМОИЗОЛАЦИЈА?
Ако сте биле на места каде е во ек ширење на епидемијата или сте оставриле близок контакт со лице кое е заразено со коронавирус во изминатите 14 дена, многу е важно да се изолирате од останатите лица, дури и ако не се јавиле симптоми. Ако лицето е во самоизолација, значи да седи во сопствениот дом 14 дена, редовно да мери телесна температура и редовно да контактира со надлежните лекари, со цел да се следи неговата состојба.
