Американскиот центар за контрола на болести истакнува дека споменатите симптоми се поврзуваат за коронавирусот иако тие се многу слични и ако е во прашање настинка, грип или алергија. Сепак, за отежнатото дишење се верува дека е симптом кој моментално директно се поврзува со коронавирусот.
Во продолжение ви донесуваме неколку прашања кои ќе ви помогнат да ги разберете симптомите и да препознаете за која состојба станува збор.
КОРОНАВИРУС, ГРИП, НАСТИНКА ИЛИ АЛЕРГИЈА?
- Имате ли температура (треска)?
♦ Ако одговорот е ДА, поставете си под прашање, дали имате проблеми и со отежаното дишење?
♦ Ако одговорот е ДА: Може се работи за коронавирус, а останатите симптоми се кашлица, општа слабост и исцрпеност, како и замор.
♦ Ако одговорот е НЕ: Можеби е во прашање грип, а останатите симптоми се кашлица, општа слабост, исцрпеност и замор.
- Имате ли температура (треска)?
♦ Ако одговорот е НЕ, поставете си под прашање дали ве чешаат и очите?
♦ Ако одговорот е ДА: Може да се работи за алергија, а останатите симптоми се кивање и течење на носот.
♦ Ако одговорот е НЕ: Може станува збор само за настинка, а останатите симптоми се кивање, тече на носот и благо непријатно чувство во градите.
Ова се вообичаени симптоми, и важно е да се напомене дека тие варираат од лице до лице, па затоа во сите наведени ситуации, најважно е да се посоветувате со лекар.
За пациентите со коронавирус се верува дека прво искусуваат благи до силни симптоми на респираторни болести, а тие може да се јават од 2 до 14 дена по контакт со заразено лице.
Американскиот центар за контрола на болести советува да се избегнува близок контакт со лица кои се болни, да се кива во шамивче и да се покрива устата кога се кашла. Рацете треба да се мијат зачестено, да се навлажнува воздухот во просторијата во која престојувате, да се дезинфицираат површините и рацете со средства наменети за тоа. Најважен совет е да останете дома ако сте болни, освен кога ви е потребна лекарска помош.
