Познато е дака зарзата со коронавирус може да се превенира со правилно миење на рацете со вода и сапун, па затоа на некому му паднало на памет истата техника да ја примени и кога станува збор за храната. Но, таа постапка може да биде исклучително опасна и да доведе до труење. Истото важи и за медицинскиот алкохол и разните средства за дезинфекција кои ги користиме за рацете и за останатите простории во домот. Токму поради тоа, прашањето кое ги мачи многумина е како правилно да се измие овошјето и зеленчукот откако ќе го донесат дома.
Термичката обработка на овошјето и зеленчукот ќе помогне во спречување на потенцијалната зараза. Меѓутоа, ако не планирате овошјето и зеленчукот термички да го обработите, добро е да се измие во сад со топла вода и малку алкохолен оцет. Потоа, исцедете, почекајте да се исуши и ставете го во фрижидер.
Според Центарот за контрола и превенција на болести, нема докази дека КОВИД-19 може да се пренесе преку храна, но по допирање на било какви намирници потребно е детално да се измијат рацете, садовите и кујнските површини.
Вирусот може да преживее на кујнските површини од 24 часа, па се до девет дена. Според некои истражувања на метал, коронавирусот се задржува до 12 часа, додека на палстика може да преживее и до девет дена. Затоа, ќесите и амбалажата во која сте ги донеле намирниците однадвор веднаш фрлете ги и дезинфицирајте ги површините кои амбалажата ги допирала.
