Се појавија информации во кои лицата кои се заразени со новиот коронавирус пријавуваат дека на самиот почеток на појава на симптомите, забележале губење на сетилата за мирис и за вкус.
“Во изминатите неколку дена, околу 500 пациенти пријавија дека го изгубиле осетот за мирис и за вкус. Вообичаено е во праксата ваквите симптоми да се слушнат еднаш месечно, а сега тие се појавуваат кај многу повеќе лица. Ваквото зачестени јавување на споменатите симптоми, никогаш не било толку бројно, а ова е само врв на ледникот“, вели д-р Нирмал Кумар, претседател на групата специјалисти за уво, нос и грло на Англија.
КОИ СЕ ПОТВРДЕНИ СИМПТОМИ НА КОРОНАВИРУСОТ?
Според официјалните податоци на надлежните институции, коронавирусот предизвикува благи симптоми слични на грипот, како:
- Зголемена телесна температура
- Сува кашлица
- Отежнато дишење
- Болки во мускулите
- Замор
Симптомите на зараза со коронавирус се слични на симптомите на настинка и на грип. Ако се сомневате дека ги имате и за да препознаете за што точно станува збор, телефонски контактирајте го својот матичен лекар.
ГРИП, НАСТИНКА ИЛИ КОВИД-19? ЕДНОСТАВЕН НАЧИН НА ПРЕПОЗНАВАЊЕ НА СИМПТОМИТЕ
Во оваа табела погледнете која е разликата помеѓу симптомите на настинка, грип и коронавирусот:
| СИМПТОМ | НАСТИНКА | ГРИП | КОРОНАВИРУС |
| Зголемена телесна температура | РЕТКО | ЧЕСТО | ДА |
| Кашлица | РЕТКО | ДА | СУВА КАШЛИЦА |
| Краток здив | РЕТКО | ДА | ДА |
| Општа слабост | СРЕДНО | ДА | ДА |
| Главоболка | РЕТКО | ДА | ПОНЕКОГАШ |
| Болка во мускулите | БЛАГО | ЧЕСТИ | ДА |
| Кивање | ЧЕСТО | ПОНЕКОГАШ | НЕ |
| Болка во грлото | ЧЕСТО | ПОНЕКОГАШ | ПОНЕКОГАШ |
| Течење нос | СРЕДНО | ПОНЕКОГАШ | РЕТКО |
