Протеините се од суштинско значење за раст, развој и обновување на телото. Сепак, истражувањата покажуваат дека нетолерантноста на кравјо млеко често се должи на протеините; особено на алфа-Ѕ1-казеин. Козјото млеко има помала количина од овој протеин од кравјото млеко што е една од причините зошто подобро се толерира од страна на некои луѓе. Но, некои од протеините во козјото млеко се доволно слични на оние кои се наоѓаат во кравјото млеко и може да предизвикаат вкрстена реактивност. Во ваков случај консултирајте се со консултант или специјалист за алергии.
Додека содржината на масти од козјото млеко е слична на онаа од кравјото (3,6% за полномасно, 1,6% за полуобезмастено и речиси нула за обезмастено), масните глобули се природно помали во големина и на тој начин полесно се варат. Протеинскиот состав на козјото млеко овозможува формирање на помек кајмак за време на варењето, што може да придонесе за подобра дигестија.
Козјото млеко има повеќе олигосахариди од кравјото млеко, со количина слична на мајчиното млеко. Овие дејствуваат како пребиотици во желудникот и може да помогнат во одржувањето на здравјето на дигестивниот тракт преку поттикнување на растот на корисните цревни бактерии и спречување на растот на штетните бактерии.
Козјото млеко има природно пониско ниво на холестерол отколку кравјото млеко и обезмастената и полуобезмастената варијанта е добра алтернатива за лицата кои внимаваат на нивото на холестерол и внесот на заситени масти.
Три порции на производи од козјо млеко може да обезбедат повеќе од 100 % од референтниот внес на калциум за возрасни лица. Калциумот е од суштинско значење за развој и одржување на коските и забите, за спречување на појава на остеопороза и, исто така, може да помогне во контролирање на телесната тежина преку разградување на телесните масти. Една порција козјо млеко – 200 мл обезбедува повеќе од една четвртина – 180 мг од референтната хранлива вредност на фосфор (што помага во изградба на силни коски и заби и ослободување на енергија од храната), и ги задоволува дневните потреби од јод (што помага во одржување на функцијата на тироидната жлезда и здрав метаболизам) и обезбедува 340 мг на калиум (вклучен во одржување на крвниот притисок).
