Можеби како дете сте го мразеле грашокот или се уште не ви е меѓу омилените намирници?! Дефинитивно време е да се премислите – богат е со витамини, минерали и има високо количество на протеини и влакна. Всушност ги содржи сите неопходни минерали и витамини. Можеби ќе се изненадите – една шолја грашок содржи 8,5 грама протеини, што е повеќе од двојно од лажица путер од кикиритки. Шолја варен грашок, исто така, има 9 грама влакна, па со тоа помага да се чувствувате сити.
Одличен антиоксидант
Заедно со виокото ниво хранливи материи грашокот е исклучително богат со протеини, што го прави еден од најдобрите расителни извори на протеини. Високите нивоа на протеини нудат бројни предности. Протеинот помага во подобрување на мускулната снага и здравјето на коските и игра значителна улога во одржувањето на здравата тежина помагајќи во контролата на апетитот. Исто така, има високо количество влакна, што, исто така, помага во контролата на апетитот. Освен тоа богат е и со фенолни соединенија, кои се природни антиоксиданти кои го штитат организмот од болести како што е ракот и други воспалителни процеси.
За здравје на срцето и крвните садови
Постојат бројни причини заради кои може да помогне во одржувањето на здравјето на срцето: еден од нив е големото количество влакна. Се покажало дека храната богата со влакна го подобрува нивото на липиди во серумот, како и дека го намалува високиот крвен притисок и воспалението. Во одржувањето на здравиот притисок помага и количеството на минерали во грашокот, вклучително калиум, магнезиум, калциум. Освен тоа содржи и витамин Ц, каротеноиди, флавоноли кои, исто така, го поддржуваат здравјето на срцето.
Одличен за варење
Високото количество влакна во грашокот е голема предност за здравјето на дигестивниот систем. Влакната помагаат во одржувањето на растот на здравите бактерии, што за возврат помага да се намали размножувањето на лошите бактерии.
Го регулира нивото на шеќер во крвта
Заради високото ниво на протеини и влакна во грашокот, тие можат да играат значителна улога во посредувањето на гликемискиот одговор на организмот. Храната богата со влакна ја забавува апсорпцијата на јаглехидрати, што значи бавно, постабилно зголемување на шеќерот во крвта, место нагли скокови. Протеинот е важен за стабилизација на нивоата на шеќер во крвта, особено за оние со дијабетес тип 2. Грашокот, исто така, содржи витамини А, Д, Ц и К, како и магнезиум, кои се покажале како корисни во регулирањето на шеќерот во крвта. Освен во одржувањето на здравите нивоа на шеќер во крвта, има и низок гликемиски индекс.
