Истражувачи од Медицинскиот факултет од Саудиска Арабија и од Египет направиле експеримент на глувци на кои им бил потиснат имунитетот со помош на дексаметазон (кој се користи за сузбивање на претерани реакции на имуниот систем). На група глувци им бил вбризгуван дексаметазон, а не им бил даван екстракт од кромид, по што дошло до очекувана реакција – намалување на бројот на леукоцити и белите крвни зрнца, како и намалување на нивото на антиоксиданти. Анализата на експресија на гените покажала дека дексаметазонот ја потиснал генската експресија на антиоксидантите.
Но, во групата глувци која добила екстракт од кромид дошло до зголемување на нивото на белите крвни зрнца и антиоксиданти, што докажало дека кромидот е важен имуностимуланс на генетско и на клеточно ниво. Исто така, во групата глувци на која и е даван екстракт од кромид пред да биде применет дексаметазон, неговото дејство било ублажено или поништено – не дошло до намалување на бројот на леукоцити.
