За понизок холестерол и здрави крвни садови јадете кромид

Кинеските експерти го проучувале ефектот на црвениот кромид на лабораториски ’рчковци, кои биле хранети со него. По осум недели, тие откриле дека нивото на лошиот холестерол (LDL) паднало за дури 20 проценти, а нивото на добриот холестерол се одржало

Со векови на кромидот му се припишуваат многу лековити својства. Освен што е неизоставна намирница во кујната, кромидот е исклучително здрав. Многу студии покажале дека помага во намалување на ризикот од малигни заболувања, ја ублажува кашлицата, го забрзува заздравувањето од настинка… Во древниот Египет со кромид се лекувале забоболка, проблеми со кожата, ушите, респираторниот систем и анемија.

За понизок холестерол

Кинеските експерти го проучувале ефектот на црвениот кромид на лабораториски ’рчковци, кои биле хранети со него. По осум недели, тие откриле дека нивото на лошиот холестерол (LDL) паднало за дури 20 проценти, а нивото на добриот холестерол се одржало.

Студиите покажале дека консумацијата на кромид може да помогне во зголемување на густината на коските, што е особено важно за жените во менопауза, кои се соочуваат со губење на коскената густина и ризикот од остеопороза

Против настинка

Постарите знаат дека од кромид се подготвува напиток против кашлица: на тивок оган 10 минути во литар вода (или млеко) се вари 80 грама кромид. Се пие засладен, по една чаша наутро и навечер. Норвежаните подготвуваат сличен сируп од вода, мед и мешавина на кромид, исечкан на коцки и борови гранчиња. Сето ова се готви на тивок оган најмалку 20 минути додека смесата не стане сируп. Возрасните пијат лажица на ден, а децата половина.

За здрави крвни садови

Истражувањата покажуваат дека сулфурните соединенија во кромидот помагаат во спречување на несаканото слепување на крвните зрнца, го намалуваат крвниот притисок, триглицеридите и холестеролот и ја подобруваат функцијата на клеточната мембрана на црвените крвни зрнца. Од ова може да се заклучи дека кромидот помага и во заштита од срцев удар.

За здрави коски

Студиите покажале дека консумацијата на кромид може да помогне во зголемување на густината на коските, што е особено важно за жените во менопауза, кои се соочуваат со губење на коскената густина и ризикот од остеопороза. Исто така, се покажало дека жените кои минале низ менопауза може да го намалат ризикот од фрактури на колкот ако секој ден јадат кромид.

Заштита од рак

Експертите откриле дека кромидот може да го намали ризикот од неколку видови на рак, па дури и ако се јаде само во умерена количина. Така консумацијата на кромид  може да го намали ризикот од колоректален карцином, рак на јајниците и грло на матката.