Кучињата може да бидат обучени да намирисаат некои видови на карцином, лица со ризик од дијабетска кома, а сега и деца со маларија и тоа само ако ги издушкаат нивните чорапи.
Според истражувањата претставени на годишната средба на Американското здружение за тропска медицина и хигиена во Њу Орлеанс, кучињата биле обучени да намирисуваат паразити на маларија кај африканските деца кои биле детално испитувани за болеста, пренесена од комарци, но без карактеристичните симптоми на треска и внатрешни знаци.
Маларијата секоја година убива 445.000 лица во светот и е причинета од паразити кои се пренесуваат од заразени комарци.
Алармантно е што нашиот напредок во борбата со маларијата е застаната во последните години, затоа итно имаме потреба од иновативни инструменти кои ќе помогант во борбата со маларијата“ изјавил на состанокот, авторот на студијата Џејмс Луган, раководител на одделот за контрола на болести во Лондон.
Тој нагласува дека резултатите покажале дека кучињата кои намирисуваат, можат да бидат сериозен начин за побрзо и полесно дијагностицирање на лица кои не покажуваат никакви симптоми на болеста, а сепак се инфективни.
Направени биле 175 проби со чорапи и тоа на 30 деца со дијагностирана маларија и 145 неинфицирани деца од Гамбија. Кучињата успеале да идентификуваат 70% од пробите заразени со маларија. Тие успеале да идентификуваат 90% од пробите без паразити на маларија.
