Куркуминот кој се добива од коренот на билката куркума (Curcuma longa) и кој многу се користи за давање боја и вкус на храната, може да помогне во спречување или борба против ракот на желудник, укажува најновата научна студија.
Имено, научници од Бразил утврдиле можни тераписки ефекти на овој пигмент и други биоактивни соединенија во храната врз ракот на желудник. Се утврдило дека хемиските соединенија како што се колекалциферол (форма на витамин Д), ресвератрол (полифенол присутен во семките од грозје) и кверцетинот (се наоѓа во јаболкото, брокулата и кромидот), исто така може да спречат или да се борат против ракот на желудник, бидејќи се природни регулатори на хистонските активности.
Истражувањата спроведени последниве години сугерираат дека посттранслациската модификација на хистонот, предизвикува промени во експресија на гените без влијание на секвенца на ДНК. Овие епигенетски варијации влијаат на развојот на различни видови на карциноми.
