Ракот на желудникот е многу распространет вид на малигнен тумор кој може да се најде во горниот дел од желудникот, во слузницата и во телото на самиот орган. Станува збор за заболување со висок морталитет, најчесто дијагностицирано кај мажите и во повеќето случаи е последица на злоупотреба на „радостите на животот”, како што се несоодветна исхрана, штетни навики и инфективни и генетски фактори.
Кај 80-90 % од пациентите дијагностицирани со рак на желудник, по телото се шират метастази – секундарни тумори. Премногу често тие се наоѓаат во белите дробови, бидејќи преку овој орган се испумпува голема количина крв, преку која се размножуваат и шират малигните клетки. Затоа е важно навремено да се откријат овие секундарни знаци на болеста.
„Во раните фази, ракот на желудник речиси и не се препознава, па без специјално и детално истражување, многу е тешко да се утврди оваа болест”, објаснуваат експерти на Универзитетската клиника во Фрајбург – Германија.
Токму затоа, велат експертите многу важно луѓето да обрнат внимание на следниве симптоми:
- Слаб апетит, гадење, повраќање;
- Киселини и енормно губење на телесната тежина;
- Зголемена киселост, темна боја на столицата;
- Постојана стомачна болка.
Природата на болката често сигнализира за ширењето на ракот на соседните органи:
- Болката во грбот е повеќе типична за проблеми со панкреасот;
- Болка слична на ангина – за ширење во дијафрагмата;
- Надуеност, движења во дебелото црево, запек – претставува аларм за тумор во попречниот дел на дебелото црево.
