Во првичниот извештај за долготрајниот КОВИД-19, Националниот институт за здравствени истражувања на Велика Британија наведува дека кај пациентите со КОВИД-19, од кои кај некои болеста трае седум или повеќе месеци, симптомите вообичаено се појавуваат во едено физиолошко подрачје, како што се срцето или белите дробови, се повлекуваат, а потоа повторно се појавуваа на друго подрачје.
“Овој извештај го нагласува штетното физичко и психолошко влијание кое долготрајниот КОВИД-19 го има на животите на многу луѓе“, изјави водачот на истражувањето Елејн Максвел.
Илјадници луѓе ширум светот се поврзни на социјалните мрежи и интернет форумите со цел да ги споделат своите искуства за симптомите на постојаниот КОВИД-19. Некои сами себе се нарекуваат пациенти на “долги патеки“, додека други својата состојба ја нарекле “долг КОВИД“.
Според податоците на апликацијата за следење на симптомите што ја направи Кралскиот колеџ во Лондон, 10 проценти од болните од новиот коронавируси по три недели се во лоша состојба, а пет проценти се болни со месеци.
Проф. Максвел дели дека здравствените служби веќе се борат со “управување на тие нови и флуктуирачки обрасци на симптоми и проблеми“.
Таа и нејзините соработници ги повикаа пациентите и лекарите да ги евидентираат и следат симптомите за здравствените истражувачи да можат да дознаат повеќе за таа состојба и како што побргу да ги ублажат проблемите.
Тимот на проф. Максвел, според сведочењата на пацинетите сугерира дека долготрајниот КОВИД-19 може да биде цикличен, а симптомите варираат во сериозноста и се движат по телото вклучувајќи го системот за дишење, мозокот, кардиоваскуларниот систем и срцето, бубрезите, цревата, црниот дроб и кожата.
“Иако ова е нова болест и ние учиме повеќе за нејзиното влијание, службите ќе треба да бидат подобро опремени за поддршка на луѓето со долг КОВИД-19 со оглед дека новите докази покажуваат дека постојат значајни психолошки и социјални влијанија што ќе имаат долгорочни последици“, се наведува во извештајот.
