Лимонот е богат со витамин Ц и калиум, а содржи и значителни количини на магнезиум, калциум и фосфор. Најскапоцените состојки во лимонот се биофлавоноидите – моќни антиоксиданти кои го спречуваат размножувањето на штетните микроорганизми, имаат антивоспалително дејство, штитат од кардиоваскуларни болести и рак, ги ублажуваат алергиите…
Лимонот изобилува и со пектин, кој е исклучително важен за варење на храната и за балансирање на мастите и шеќерот во крвта. Лимонската киселина, исто така, ги неутрализира и другите телесни киселини
Свежо исцеден сок од еден лимон во чаша млака вода е популарен природен лек за подобрување на имунитетот и „чистење“ на телото што го олеснува губењето на тежината. Во продолжение ви предлагаме уште еден рецепт на база на лимон и јаболков оцет, комбинација која е одлична за зајакнување на организмот во борбата против вирусите и бактериите.
Јаболков оцет со лимон
Подгответе 4 лимони и 7,5 дцл јаболков оцет. Излупете ги лимоните и отстранете ја белата кожа од внатрешноста на кората. Исцедете го сокот и ставете го заедно со кората во стаклена тегла. Загрејте го јаболковиот оцет на топлина до 50-60 степени и со него прелијте го лимонот во теглата. Затворете ја теглата и добро протресете ја, па оставете ја на собна температура да отстои две недели. Секој ден протресувајте ја теглата. После две недели, процедете го оцетот со лимон преку густа цедалка.
Оцетот со лимон е одличен за зачинување на свежи салати и подлоги за маринади, на пример, за подготовка на риби.
