Како резултат на чадот од цигарите секоја година во светот умираат шест милиони луѓе, од кои 600 илјади се пасивни пушачи. Конкретно во Европа бројката достигнува 700 илјади смртни случаи додека 13 милиони луѓе се борат со хронични болести предизвикани со пушењето. Од 7000 штетни состојки коишто ги содржи секоја цигара, 250 се отрови, а дури 70 отсто се канцерогени. Една од овие супстанци е кадиумот кој се наоѓа во батериите, потоа бутанот кој се наоѓа во течниот гас, како и арсенот и јаглен моноксидот кои ја трујат крвта.
Еве кои се болестите што најчесто ги предизвикува пушењето:
Рак на белите дробови
Речиси 90 отсто од болните од рак на бели дробови се пушачи, а речиси милион луѓе годишно умираат од оваа болест.
Хронична опструктивна болест на белите дробови
Една од најчестите причини за смрт во Европа, а СЗО ја сместила меѓу петте најчести и најсериозни во следниот милениум.
Болести на срцето
Пушењето го нарушува секој орган во телото, вклучитено и срцето. Супстанците од цигарите предизвикуваат стеснување на артериите, но и намален проток на кислород до срцето. Ова за цел има зголемување на срцевите заболувања и ризик од срцев удар.
Мозочни заболувања
Заради стеснување на крвните садови спречен е дотокот на кислород до мозокот, па ризикот од мозочен удар и други заболувања се удвојува.
Астма
Затоа што чадот го иритира протокот на воздух, пушењето може да предизвика сериозни облици на астма. Дури околу 10 милиони луѓе во Европа боледуваат од оваа.
Проблем на зачнување кај жените
Пушењето може да предизвика вонматерична бременост, но и намалена плодност.
Дијабетес
Можноста за заболување од дијабетес тип 2 е за 30 до 40 отсто поголема кај пушачите.
